Hoti: Veprimi i sotëm i nxjerr gabim të gjithë ata që nuk e pranuan Marrëveshjen e Washingtonit

Kryeministri në detyrë i Kosovës Avdullah Hoti, ka folur për formalizmin e njohjes reciproke mes Kosovës dhe Izraelit.

Hoti tha se kjo është një ditë shume e rëndësishme për Kosovën.

Ai theksoi se me këtë njohje Kosova ka thyer bllokadën e njohjeve dhe i ka nxjerr gabim të gjithë ata që nuk e pranuan “Marrëveshjen e Washingtonit”.

“Është ditë shumë e rëndësishme për Kosovën. Kemi hapur një kapitull të ri të forcimit të marrëdhënieve që buron nga Marrëveshja e 4 shtatorit. Ne kemi thyer bllokadën e njohjeve për Kosovën”.

“Me marrëveshje e sotme që e derivon prej “Marrëveshjes së 4 shtatorit”.. Më vjen mirë qe kemi arritur në këtë pikë dhe dëshiroj të falënderoj ministrinë e Punëve te jashtme për kryerjen e të gjitha punëve. Shfrytëzoj rastin të falënderoj dy administrata e Amerikës për arritjen e kësaj marrëveshje. Me nënshkrimin e shteti i Kosovës konsolidohet me miqtë dhe me Lindjen e Mesme, fal mbështetjen së jashtëzakonshme”.

“Besoj se veprimi i sotëm tregon qartë për efektin dhe rëndësinë që ka marrëveshja e 4 shtatorit që ka ndodhur në Shtëpinë e Bardhë dhe i nxjerr gabim të gjitha ata kritikët që nuk e kanë pranuar këtë marrëveshje. Ajo çka ka ndodhur menjëherë në Shtëpinë e Bardhë. Krahas shkëmbimit të marrëdhënieve diplomatikë sot u nënshkruan edhe marrëveshje të tjera. Unë pres me padurim t’i presim në Prishtinë miqtë tanë izraelit në Prishtinë”.