Arrestohet një person në Gjakovë, kishte vjedhur pije alkoolike në vlerë afro 2 mijë euro
Policia e Kosovës ka arrestuar një person i cili dyshohet se kishte vjedhur pije alkoolike në vlerë të 2000 eurove, në një qendër tregtare në Gjakovë.
Sipas Policisë, rastin e ka denoncuar punëtori i sigurimit të qendrës “Nertili”, pasi kanë vërejtur se po mungojnë pijet, shkruan Sinjali.
Pasi janë shikuar kamerat e sigurisë, Policia njofton se kanë vërejtur të dyshuarin, i cili herë pas here kishte shkuar në këtë qendër me rroba te ndryshme dhe kishte vjedhur pijet.
I dyshuari edhe sot kishte vjedhur 2 shishe ‘Jack Daniels’ me vlerë 160 euro, thuhet në njoftimin e Policisë.
Në lidhje me rastin, me vendim të prokurorit, i dyshuari ndalohet në Qendrën e Mbajtjes për 48 orë.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]