I riu vret me thikë vëllain, shokon me deklaratën: E bëra sepse i bërtiti qenit

Një i ri anglez goditi me thikë për vdekje vëllain e tij më të vogël në kopshtin e pasmë të shtëpisë së nënës së tyre, pas një zënke për qenin e familjes. Pamjet rrëqethëse janë publikuar në mediat e huaja dhe tregojnë William Campbell, 26 vjeç duke u arrestuar pasi goditi me thikë në gjoks vëllain Samuel, 24 vjeç.

Policia dhe stafi mjekësor shkuan drejt shtëpisë në Silksworth, Sunderland, ku gjetën Samuelin të shtrirë në një pellg gjaku më 18 qershor.

Pamjet e kamerave tregojnë Campbell duke pranuar me qetësi se e goditi me thikë vëllain e tij “nga inati”. Në mënyrë të çuditshme, ai më pas pyeti oficerin për “protokollin” e arrestimit të tij. “E godita me thikë nga inati”.

🎥 This is the moment officers arrested William, who said Samuel was ‘coming at him’ which led to him getting a knife from the kitchen.

At trial William denied murder, claiming his brother impaled himself on the blade. But a jury rejected this & he was convicted of murder (2/3). pic.twitter.com/IfjZ4AHtUE

— Northumbria Police (@northumbriapol) December 22, 2021

Polici i përgjigjet: “Je i arrestuar”. Campbell pyet: “Çfarë nënkupton kjo? Unë e kuptoj protokollin, por çfarë përfshin kjo? Çfarë duhet të bëj?”

Në pamjet, mund të dëgjohen mjekët që përpiqen të shpëtojnë vëllain e tij, i cili më vonë u shpall i vdekur në vendngjarje.

Campbell, nga Stokesley, North Yorks., u shpall fajtor pas një gjyqi njëjavor në Gjykatën e Kurorës së Newcastle, përcjell abcnews.la

Fqinjët dëgjuan se Campbell sulmoi vëllain e tij pasi ata u grindën sepse Samuel “i kishte ngritur zërin qenit”. Ai pretendoi se donte që Samueli t’i “kërkonte falje” qenit që i kishte bërtitur, por në vend të kësaj i futi një thikë në gjoks. Campbell po mbahet në paraburgim dhe do të dënohet më 5 janar.