Ish-prezantuesja e lajmeve në RTV21 bëhet zëdhënëse e Qeverisë

Kryeministri Avdullah Hoti më në fund ka marrë vendim që të emëroi njeriun përgjegjës për media të qeverisë së tij.

Hoti ka bërë të ditur se zëdhënëse të qeverisë ka emëruar Antigona Baxhakun, ish-prezantuesen e lajmeve të RTV21.

Kryeministri ka shkruar se mediat do të jenë më afër se kurrë me Zyrën e tij, pasi thotë se Antigona me eksperiencën dhe gatishmërinë e saj do të jetë adresa adekuate e informimit të saktë e të shpejtë.

Postimi i Hotit:

Ekipit tonë i bashkohet edhe Antigona Baxhaku!

Antigona do të jetë Këshilltare Politike dhe Drejtore e Zyrës për Komunikim me Publikun në Zyrën e Kryeministrit. Me veprimtarinë e saj 22 vjeçare në jetën publike, me theks të veçantë në jetën mediale, konsideroj se ajo do të jetë një vlerë e shtuar për Qeverinë e Kosovës, duke qenë urë e fuqishme komunikimi dhe bashkëpunimi me mediat.

Mediat do të jenë më afër se kurrë me Zyrën e Kryeministrit, pasi që Antigona me eksperiencën dhe gatishmërinë e saj do të jetë adresa adekuate e informimit të saktë e të shpejtë.

https://www.facebook.com/avdullah.hoti/posts/3779857618742231