Italia kalon shifrën e mbi 20 mijë të vdekur nga koronavirusi. Gjatë 24 orëve të fundit, rritet numri i viktimave

Koronavirusi në Itali ka vrarë më shumë se 20 mijë njerëz, një prag dramatik i tejkaluar vetëm nga Shtetet e Bashkuara.
Në njëzet e katër orët e fundit 566 njerëz kanë vdekur, duke e çuar numrin gjithsej në 20.465 vdekje.

Të dhënat e komunikuara nga Mbrojtja Civile këtë të hënë për fat të keq nuk janë aq të mira sa ditën e Pashkëve. Përveç numrit të viktimave, i cili fatkeqësisht rikthehet me rritje pas 431 vdekjeve dje, edhe ai i personave të shtruar në spital me simptoma po rritet përsëri (176 më shumë se dje).
Aktualisht, 3260 persona janë në terapi intensive, ose 83 persona më pak se 24 orë më herët.

Nga të dhënat zyrtare, rezulton se Italia deri më tani ka 159 516 persona të prekur, ndërsa numri i viktimave është 20 465.
Duke filluar nga 21 prilli, në Lombardi, zona më e prekur nga virusi që mund të kthehet në vdekjeprurës, do të kryhen 20 mijë teste serologjike në ditë.

“20 mijë teste serologjike do të kryhen në ditë, duke filluar nga 21 prilli, duke filluar nga punonjësit e shëndetit dhe punonjësit e socio-shëndetësisë nga Lombardia dhe qytetarët që duhet të kthehen në punë me referencë të veçantë për krahinat e Bergamos, Brescia, Kremona dhe Lodi”, bëri me dije rajoni i Lombardisë.