Ja si u festua përvjetori i 11-të i Pavarësisë në vendlindjen e kryeministrit

Për 17 shkurt, tingujt e muzikës patriotike u dëgjuan në Gllogjan. Aty qytetarët e shumtë bënë homazhe te Varrezat e Dëshmorëve. Ndërsa, atmosferë festive kishte edhe në qytetin e Pejës, T7 .

20 vjet më parë, këtu në Gllogjan të Deçanit, po luftonin Shkëlzen dhe Luan Haradinaj. E sot, janë pikërisht nipat e mbesat e tyre që kanë ardhur për t’i nderuar me homazhe.

Dëshmorët në Gllogjan në 11 vjetorin e Pavarësisë së Kosovës i nderuan edhe qytetarë të shumtë.

Tek varrezat e dëshmorëve, nuk kishin si të mungonin as lotët.

E dikush që nuk e largon asnjëherë uniformen e UÇK-së, herët në mëngjes e kishte nisur udhëtimin e tij në qytetet e Kosovës.

Atmosfere e njëjtë festive ishte edhe në qytetin e Pejës.

Deklarata e Pavarësisë ishte ekspozuar për herë të parë në këtë qytet.

Kjo gjë e zgjoi kureshtjen e qytetarëve, të cilët edhe e mirëpriten këtë ide.

E flamujt e shtetit të Kosovës, kishin mbuluar sheshin kryesor të Pejës.

Për disa qytetarë, kjo ditë sjell gëzime ngjashëm me 17 shkurtin e 2008-ës.

Por, për dikë, ky zbukurim i sheshit dhe aktivitetet e tjera në këtë qytet, nuk janë të mjaftueshme.

E 11 vjetorin e pavarësisë, po e shijonin më së shumti fëmijët.