Jose Mourinho flet për transferin e Eriksenit, bën fajtor Interin
Nerazzurrët po e kërkojnë mesfushorin e Tottenham Hotspur që disa javë, ndërsa kishin arritur marrëveshje personale me lojtarin kohë më parë.
Jose Mourinho e ka kritikuar Interin që e ka vonuar kaq shumë marrëveshjen për Christian Eriksenin duke thënë se nuk duhej të ndodhte kaq vonë.
La Gazzetta dello Sport raporton se takimi i parë mes dy palëve ka ndodhur më 22 nëntor 2019, ndërsa Spursat asnjëherë nuk kanë hequr dorë nga kërkesa prej 20 milionë eurosh, ndërsa Interi është pajtuar që ta barazojë këtë shumë përmes bonuseve dhe shtesave.
Media të shumta italiane raportojnë se marrëveshja tashmë është arritur dhe të hënën pritet të kryhen ekzaminimet mjekësore, për më shumë Eriksen nuk ishte as në bankën rezervë ndaj Southamptonit.
“Nuk dua të them asgjë. Thjesht dua të them se situata nuk është dashur të ndodhte më 25 janar. Dhe nuk është për fajin e Tottenhamit që më 25 janar jemi në këtë situatë”, ka deklaruar Mourinho.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]