Juventus kërkojnë një zëvendësues për Alex Sandro
Skuadra e Juventus është vënë në kërkim të një zëvendësuesi për Alex Sandro.
Mbrojtësi brazilian i krahut, Sandro po shkon drejt fundit të aventurës së tij me skuadrën e Juventus, dhe ‘Zonja e Vjetër’ synon të gjejë një zëvendësues për të në merkaton e janarit.
Sipas raportimeve të ‘Tuttosport’, anëtari i Benfica, Alejandro Grimaldo është prioriteti për ‘Biankoneri’, përcjell lajmi.net.
Po ashtu, edhe Raphaël Guerreiro është në mesin e alternativave për të zëvendësuar Sandro.
Mbrojtësi brazilian ka kontratë me Juventus vetëm deri në qershor të vitit 2023.
Juventus s’do ti ofrojnë rinovim kontrate lojtarit, pasi s’janë të kënaqur me paraqitjet e tij në sezonet e fundit.
Përparësia e Juventus është që edhe kontratat e Grimaldo dhe Guerreiro skadojnë në qershorin e 2023, prandaj një marrëveshje me njërin prej tyre është më e lehtë.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]