Juventusi ankohet se goli i Milik ishte i rregullt, Serie A thotë jo

Në pamjet e reja të publikuara nga Sky Sport, pretendojnë se goli i tretë i Juventusit ndaj Salernitanas ishte anuluar gabimisht, por Lega Serie A insiston se VAR-i mori parasysh pozicionin e Antonio Candreva.

Përfundimi i diskutueshëm i barazimit 2-2 pa që goli me kokë i Arkadiusz Milik të anulohej për shkak se Leonardo Bonnuci u konsiderua në pozicion jashtë loje, transmeton Klankosova.tv.

Allegri ngriti dyshime pas ndeshjes, ashtu si Bonucci, duke këmbëngulur se Candreva ishte pranë flamurit të këndit dhe për këtë arsye nuk ishte pozitë jashtë loje.

Sky Sport Italia publikoi pamjet e kamerës duke pretenduar se në momentin e goditjes me kokë të Milik, Candreva ishte 2.9 m nga vija e kontaktit dhe Bonucci ishte 3.42 m nga e njëjta pikë, që do të nënkuptonte se Bonucci nuk ishte në pozitë jashtë loje, për shkak se e mbante në lojë Candreva.

Sidoqoftë, Lega Serie A i tha DAZN se linja e tërhequr për të vendosur pozicionin jashtë loje të Bonuccit mori parasysh Candreva.

VAR-i ka një algoritëm specifik që merr parasysh këndet e kamerës për të llogaritur një pozicion më të saktë në fushë, ndërsa kamera Sky Sport Italia jo.