Juventusi e mposht 3-0 Chievon, Ronaldo humb penalltinë
Juventus e ka mbyllur me fitore të lehtë edhe xhiron e 20-të të Serie A.
“Zonja e vjetër” ka triumfuar me rezultatin 3:0 në përballjen me skuadrën nga Verona, Chievo.
Në një ndeshje të dominuar komplet nga Juventus, golin e parë e realizoi Douglas Costa, kur po luhej minuta e 13’.
Në fund të pjesës së parë, ishte Emre Can, ai i cili realizoi golin e parë në fanellën e Juves, dhe i dha qetësinë skuadrës së tij, para pushimit 15 minutësh.
Kjo ndeshje duket se ishte për lojtarët që nuk kanë shënuar asnjëherë me Juven, pasi kur po luhej minuta e 84’, ishte qendër mbrojtësi Daniele Rugani i cili shënoi golin e tretë dhe vulosi rezultatin e këtij takimi.
Me këtë fitore “biankonerët” ngjiten në kuotën e 56 pikëve, pas 20 xhirove të luajtura, duke qenë kështu liderë në tabelë, me 9 pikë më shumë se ndjekësit nga Napoli.
Skuadra nga Verona në anën tjetër mbetet në vendin e fundit, në kuotën e 8 pikëve.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]