Kafshët e egra shihen rrugëve të qyteteve

Bllokimet në mbarë botën si pasojë e koronavirusit u kanë dhënë një mundësi të rrallë kafshëve të egra të sillen të patrazuar nga njeriu rreth e rrotull. Kafshët në zonat urbane janë duke eksploruar rrugët e zbrazura dhe rrugët ujore, dhe duke argëtuar qytetarët.

Por shumë nga këto nuk janë pamje unike, kufizimet njerëzore për shkak të pandemisë koronavirus duket se u kanë dhënë kafshëve besimin që të shkojnë më thellë në qytetet tona dhe të qëndrojnë për më gjatë. Kafshët e tjera janë duke shijuar rezervatet e natyrës dhe parqet janë kthyer në një zone vetëm për to, kështu që autoritetet e parqeve raportojnë për një bum të jetës së egër ndërsa turistët janë larg.

Bosfori në Stamboll të Turqisë është normalisht një nga rrugët më të ngarkuara detare në botë. Anije ngarkese dhe anije pasagjerësh përshkojnë ngushticën që ndanë qytetin në gjysmë 24 orë në ditë. Tani, me një përgjumje në trafik dhe peshkatarët që qëndrojnë në shtëpi gjatë bllokimit të qytetit, delfinët po notojnë dhe po kërcejnë në ujëra. Nuk është e pazakontë të vëreni pikat e një delfini nga rrugicat e qytetit, shumë larg në distancë.

“Derrat e egër marrin përsipër Haifën ndërsa banorët kanë ngecur brenda”, shkruan titulli në gazetën izraelite Haaretz. Derrat u panë duke gërvishtur dhe duke kërkuar ushqime përreth qytetit të Haifas para pandemisë, por mungesa e njerëzve i ka inkurajuar ata më tej, thonë banorët.

Situata është tani kaq serioze saqë zyrtarët lokalë mbajtën një takim në Zoom për të diskutuar mbi popullsinë në zgjerim të kafshëve të egra. “Kam frikë se pasi të kalojë koronavirusi, derrat do të jenë mësuar të vijnë çdo ditë, çdo natë, çdo orë,” i tha Reuters Yaron Hanan i cili po bën fushatë për zmbrapsjen e kafshëve.

Sidoqoftë, disa specie janë duke shijuar vetminë në rezervatet natyrorë ose parqet e zënë më parë. Në Shqipëri, flamingot rozë po lulëzojnë në lagunat në vijën bregdetare perëndimore të vendit, ku numrat janë rritur me një të tretën në 3,000, thanë autoritetet e parkut për agjencinë e lajmeve AFP.

Mijëra shpezë janë parë duke u rritur mbi ujërat në Lagunën e Nartës ku shkojnë për tu çiftëzuar pasi fluturuan nga Afrika dhe Mesdheu jugor. Fabrikat e afërta të përpunimit të vajit të ullirit dhe të lëkurës që janë akuzuar për ndotjen e ujërave janë të mbyllura, dhe trafiku që zakonisht kap një rrugë 500 metra distancë është mbyllur, duke krijuar kështu qetësi për zogjtë.

Çiftet kanë “lëvizur pak më tej në lagunë dhe tani po fillojnë ritualet e miqësisë”, tha Nexhip Hysolakoj, kreu i zonës së mbrojtur nga Vlora. Edhe në Parkun Kombëtar të Divjakës, 85 palë pelikanë kaçurelë kanë ngritur foletë. 50,000 turistët e zakonshëm mujorë janë duke u mbajtur larg, duke krijuar qetësi në zonën ku zyrtarët shpresojnë se do të ketë një shtim të popullatës së zogjve tani.

Në Tajlandë, një tufë prej 30 lopë deti u kapën nga kamera duke notuar në Parkun Kombëtar Hat Chao Mai, ku turizmi është ndaluar. Dugong, e njohur gjithashtu si lopë deti, është klasifikuar si një specie e prekshme dhe shpesh mund të bie viktimë e rrjetave të peshkimit ose të vuajë për shkak të ndotjes së ujit.

Parku kombëtar ka qenë duke postuar video në Facebook me tufat e mëdha të peshqve dhe specieve të tjera, dhe thotë se ka pasur një ringjallje të jetës së egër që nga fillimi i pandemisë.

Sidoqoftë, disa kafshë që shijojnë aventura të reja nuk janë në gjendje të qëndrojnë për një kohë të gjatë. Disa mace puma të gjetura që endeshin rrugëve në Santiago të Kilit u kapën dhe u kthyen në habitatet e tyre natyrore.

Një nga macet e mëdha u gjet brenda një kompleksi apartamentesh. “Ato ndiejnë më pak zhurmë dhe po kërkojnë gjithashtu vende të reja për të gjetur ushqim dhe disa humbasin dhe shfaqen në qytete,” tha Horacio Bórquez, drejtori kombëtar i parqeve në Kili.

Dhe kush mund të harrojë dhitë e famshme Kashmiri të Llandudno? Ato shijuan qytetin e shkretë në Uells dhe disa madje ndihmuan me krasitjen e luleve dhe gardhit.

Por jo të gjitha krijesat po përfitojnë nga bllokimi i koronavirusit. Pëllumbat e Evropës rrezikojnë nga uria, paralajmëron një grup për të drejtat e kafshëve në Gjermani. Kjo për faktin se njerëzit që i ushqenin zakonisht duke hedhur thërmia buke nëpër rrugë tasjmë kanë ngecur në shtëpi dhe nuk mund të ndalin. Grupi paralajmëron se pëllumbat po bëhen problem për shumë qytete, dhe thotë se nuk duhet të lejohen të vdesin në mënyrë të dhimbshme.

Në Krakow, Poloni, një organizatë e mirëqenies së kafshëve po del posaçërisht për të ushqyer kopetë e braktisura për momentin.