Kapen cigare të kontrabanduara në vlerë prej afro 16 mijë eurosh në magjistralen Prishtinë-Mitrovicë
Dogana e Kosovës ka njoftuar të shtunën se në një veturë në magjistralen Prishtinë-Mitrovicë, ka gjetur 250.000 copë cigare të kontrabanduara.
Sipas njoftimit të Doganës, vlera e tyre kap shifrën prej afro 16 mijë euro.
“Fillimisht automjeti nuk i është bindur urdhrave të zyrtarëve doganor për të u ndaluar dhe ka tentuar të ikë, mirëpo falë profesionalizimit te zyrtarëve doganor dhe policor është arritur që të ndalohet automjeti kurse vozitësi ka ikur nga vendi i ngjarjes. Me këtë rast në automjet janë gjetur 250,000 copë cigare pa banderola të kontrabanduara. Shmangiet e llogaritura nga taksat e aplikueshme janë 15,885 euro”, thuhet në njoftim.
Lidhur me këtë rast është njoftuar Prokuroria dhe kanë filluar hetimet penale, ndërkaq, automjeti dhe cigaret janë sekuestruar.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]