Karateisti Melos Gashi ngritet në vendin e parë në renditjen botërore të Federatës Ndërkombëtare (WKF)
Karateisti i ri, Melos Gashi, ka shënuar ngritje të madhe në renditjen më të re të Federatës Ndërkombëtare të Karatesë (WKF), shkruan GazetaAlo.
Gashi ndodhet i pari në renditjen e kadetëve, kategoria plus 70 kilogramë.
Ky sukses i Melosit vjen pas bërjes nënkampion i Evropës, në kampionatin evropian të mbajtur muajin e kaluar në Aalborg të Danimarkës.
Melosi ka grumbulluar 1065 pikë në total, 30 më shumë se sa i dyti, Maros Janovcik (Slovaki).
“Shpresojmë që me këtë paraqitje të kohëve të fundit do të arrijë edhe titullin e më të miri të botës”, thuhet në njoftimin e Federatës së Karatesë së Kosovës.
Medaljen e bronztë në evropian e kishte fituar edhe Albulena Gërvalla, në grupmoshën U-21. Ajo në renditjen e re të WKF-së, ndodhet e 16-ta me 510 pikë të tubuara./GazetaAlo.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]