Kërkohet burg prej 28 muajsh për Nasser Al-Khelaifin

Sërish probleme për presidentin e FFK-së, Nasser Al-Khelaifin, pasi prokuroria publike zvicerane kërkon dënim me burg prej 28 muajsh.

Arsyeja për këtë është roli i Al-Khelaifi në aferën e FIFA-s, e cila përfshin çmimin e të drejtave televizive shumë milionëshe për Kupën e Botës nga viti 2018 deri në vitin 2030.

Përveç rolit të tij në klubin e Parisit, shefi i PSG-së është gjithashtu pronar i grupit mediatik BeIN. Në këtë pozicion, Al-Khelaifi thuhet se i ka dhënë ish-sekretarit të përgjithshëm të FIFA-s, Jerome Valcke, “përfitime të panevojshme” përpara se të jepeshin të drejtat televizive.

Të paktën ky ishte pretendimi i Prokurorisë Federale në Bernë kur u hapën procedimet e para penale kundër Katarit në vitin 2017.

Al-Khelaifi u shpall i pafajshëm në vjeshtën e vitit 2020, dhe zyra e prokurorit federal tani ka paraqitur një tjetër ankesë penale në Gjykatën e Apelit të Gjykatës Federale Penale, transmeton telegrafi.

Prokuroria kërkon 28 muaj dënim për kryetarin e PSG-së dhe 35 muaj për Valcken.

Valcke, i cili punoi nën drejtimin e presidentin Sepp Blatter, si Sekretar i Përgjithshëm deri në vitin 2015, ishte dënuar tashmë me gjobë në gjyqin e parë për falsifikim.