Kërkohet paraburgim ndaj pesë të dyshuarve për mashtrim me Bitcoina
Është bërë kërkesa për caktimin e masës së paraburgimit për pesë të dyshuarit për “mashtrim” me Bitcoina.
Lajmin e ka konfirmuar për Express zëdhënësja e Prokurorisë Themelore të Prishtinës, Laureta Ulaj.
Aksioni u zhvillua gjatë ditës së djeshme pesë lokacione në Prishtinë, Kamenicë dhe Viti.
Pos pesë të prangosurve, edhe dy të tjerë janë shpallur në kërkim.
“B.Sh., B.H., V.C., B.B. dhe L.B., dyshohen se nga muaji janar-prill 2024, në bashkëkryerje, me qëllim të përfitimit të kundërligjshëm të dobisë pasurore për vete i kanë vënë në lajthim palët e dëmtuara, kinse do t’iu shesin bitcoina, duke i nxitur kështu të veprojnë në dëm të pasurisë së tyre dhe me këto veprime kanë arritur të përfitojnë shuma të konsiderueshme të parave. Në këtë çështje penale janë në kërkim edhe dy persona të tjerë të dyshuar, të cilët nuk janë gjetur në objektet përkatëse”, u tha gjatë ditës së djeshme në njoftimin e lëshuar nga Prokuroria dhe Policia.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]