Këto janë vendet më të lumtura në botë, ku renditet Kosova?

Është publikuar Raporti Botëror i Lumturisë i Rrjetit për Zhvillim të Qëndrueshëm të OKB-së për vitin 2023 dhe sërish vendet nordike prijnë në listë.

Vendin numër një e zë sërish Finlanda. Sipas raportit, ndër dhjetë vendet më të lumtura janë: Finlanda, Danimarka, Islanda, Suedia, Izraeli, Holanda Norvegjia, Luksemburgu, Zvicra, Australia.

Parashikimi i motit në ShqipëriNjë humnerë pas Mbappes te PSGOrganizata Botërore Meteorologjike: Ky është një alarm i kuq për botënIsh-i dashuri i Dua Lipës, Anwar Hadid shkon në Mekë për të kryer pelegrinazhinNë zonën e luftës me Rusinë, Shevchenko frymëzon ushtarët ukrainas në mbrojtje të vendit
Ndërkaq, në vendin e fundit të raportit të lumturisë është Afganistani.

Po ku renditet Kosova e ku vendet e rajonit?

Në vendet e Ballkanit me lumturinë kryeson Kosova, që zë vendin e 29-të.

Pas Kosovës vjen Serbia në vendin e 37-të, Bonja e Hercegovina në vendin e 65-të, Mali i Zi në vendin e 76-të, Maqedonia e Veriut në të 84-në dhe Shqipëria në vendin e 87-të.

Raporti po ashtu ka të dhëna për lumturinë në faza të ndryshme të jetës, rrjedhimisht i ndan në grup-mosha.

Në shumë rajone, por jo në të gjitha, të rinjtë janë më të lumtur se të vjetrit.

Ndërkaq, në Amerikën e Veriut lumturia ka rënë te të rinjtë dhe tani del se janë më pak të lumtur se të vjetrit.

Në vendet në tranzicion të Evropës Qendrore dhe Lindore, të rinjtë janë shumë më të lumtur se të moshuarit.

Ndërkaq, në Evropën Perëndimore në tërësi lumturia është e ngjashme në të gjitha moshat.