Kombëtarja U21 nisi përgatitjet për ndeshjet e qershorit
Kombëtarja U21 i ka filluar, sot, përgatitjet për dy ndeshjet kualifikuese për Evropianin 2021, që do t’i zhvillojë kundër Andorrës (më 6 qershor si mysafire) dhe kundër Turqisë (më 11 qershor në Prishtinë), shkruan Gazeta Alo
Në stërvitjen e parë, e cila u mbajt në stadiumin e Flamurtarit, përzgjedhësi Rafet Prekazi, me ndihmësit Erdogan Celina e Naser Prapashtica kishte në dispozicion 20 futbollistë, derisa nga e mërkura ekipit do t’i bashkohen lojtarët që në fundjavë kishin ndeshje Lirim Kastrati, Besfort Kolgeci dhe Kreshnik Krasniqi, derisa më 1 qershor vjen Roni Gashi dhe më 3 qershor Arbenit Xhemajli, lojtarë të cilët ende kanë obligime ndaj klubeve të tyre.
Gjatë seancës së sotme vërehej disponim shumë i mirë lojtarëve, të cilët për rreth 2 orë stërvitën me përkushtim.
Kombëtarja U21 do t’i vazhdojë stërvitjet në stadiumin e Flamurtarit çdo ditë deri më 3 qershor para se të marrë rrugë për në Andorrë për ndeshjen e parë kualifikuese. /Gazeta Alo
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]