Komentatori arab nuk i reziston bukuroshes ruse gjatë ndeshjes Rusi-Finlandë në Euro 2020, i thur vargje në transmetim direkt

Dje (e mërkurë) gjatë ndeshjes Rusi-Finlandë në kuadër të Euro 2020, ka ndodhur diçka vërtetë interesante gjatë komentimit të ndeshjes në një nga stacionet televizive në Arabi.

Në momentin që gjatë transmetimit u shfaq një tifozë bukuroshe ruse, komentatori arab nuk ka mundur të rezistojë pa i thurur disa vargje.

Ndonëse ishte në transmetim direkt, ai ka nisur që t’i thotë fjalë të ëmbla asaj në dedikim ndaj bukuroshes.

“Ajri në zemrën time u rrit dhe u dashurova. Nuk është faji im, ishte aksidentale Unë nuk kam asgjë tjetër në jetën time Unë, zemra ime, dhe gjithçka i përket asaj”, ishin disa nga vargjet e këngës që komentatori tha në momentin që u transmetuan pamjet e bukuroshes.

Tifozja ruse përndryshe kishte marrë vëmendjen e kamerave të regjisë me pozicionin e qëndrimit, duke vënë në dukje këmbët e saj.

https://twitter.com/hfussbaIl/status/1405268247356665861?ref_src=twsrc%5Etfw%7Ctwcamp%5Etweetembed%7Ctwterm%5E1405268247356665861%7Ctwgr%5E%7Ctwcon%5Es1_c10&ref_url=https%3A%2F%2Ftelegrafi.com%2Fkomentatori-arab-nuk-reziston-bukuroshes-ruse-gjate-ndeshjes-rusi-finlande-ne-euro-2020-thur-vargje-ne-transmetim-direkt%2F

Ndërkohë, ndeshja ka përfunduar me rezultat 1-0 në favor të Rusisë.