Komuna e Gjilanit: Stuhia ka shkaktuar dëme të konsiderueshme (FOTO)

Komuna e Gjilanit është goditur këtë mbrëmje nga një stuhi e fortë erë e shiu.

Kjo komunë njofton se si pasojë e stuhisë janë shkaktuar dëme të konsiderueshme në pronën publike dhe private, transmeton Klan Kosova.

“Por fatmirësisht nuk ka dëme në njerëz”, thuhet në kumtesë.

“Përpos vërshimeve në disa pjesë të qytetit, erërat e fuqishme kanë dëmtuar kulmin e një ndërtese kolektive në rrugën “Muharrem Ibrahimi”, ku me këtë rast janë dëmtuar disa shtëpi përrreth. Po ashtu, është dëmtuar edhe kulmi i shkollës së mesme teknike “Mehmet Isai” dhe disa lokale afër, derisa është dëmtuar edhe një pullaz në fshatin Gumnisht”.

“Ndërkohë, ndërprerje të rrymës ka pasur në lagjen Dardania dhe në fshatrat, Bresalc e Uglarë, pasi disa shtylla elektrike dhe tela të rrymës janë shkëputur”.

https://www.facebook.com/komunaegjilanit/posts/2782144412029818?__xts__[0]=68.ARD3kMXkPoIHXF8tFyGCW6sCuwYgryon3gYlY0NM_BQJrLf4DpkgIrqRVPqwwUaOeXAc9tJB-kJIPuMi2vLcMQnqY-6X-NdPP2p7X9q5rxMo-Y3WYSyHPKRA2xHMKL-76i6jMU6gyl0_1Tnq3fFoyHSllbRxlLC7Uzj8ooMcZtbsXZu_PwpWmMt5w_IdXM1kS6JqAdEFErGrseNHl06Ka9nvMvmtnHYqv8SVixj8MwaAwbr9mnx3RlvYcj7Ho5d_KRnpATmvusBiHio6TUppYWej8s4KG0mc2vRVAvV4rqgn9kz-8gTLzl1KfBk_ANU67Jfyw3QDfGQG1e3BSMlhBRTFs_p9&__tn__=-R