Komuna premtoi pagesë për të gjithë të prekurit nga Covid, por përfituan vetëm 500 apikues
Në aplikimin online për ndihmë të qytetarëve të prekur nga Covid-19 në Komunën e Prishtinës deri tani kanë aplikuar 16 mijë e 227 qytetarë, ku prej tyre vetëm 500 u janë ekzekutuar mjetet.
Në një përgjigje Komuna e Prishtinës ka thënë se listat e qytetarëve tashmë janë dorëzuar në Ministrinë e Financave dhe se ekzekutimi ka filluar.
“Deri me tani kanë aplikuar gjithsej 16.227 qytetarë, ndërsa pagesat bëhen nga Thesari ne Ministrinë e Financave. Komuna e Prishtinës i ka dorëzuar listat për pagesë në Thesar dhe 500 pagesat e para janë ekzekutuar tashmë”, thuhet në përgjigjen e Komunës.
Sa i përket vonesës së ekzekutimit të këtyre mjeteve për të cilat është përgjegjëse Ministria e Financave, KOHA ka tentuar t’i kontaktoj por nuk ka marr përgjigje.
Komuna e Prishtinës do të ndajë nga 50 euro për qytetaret nën moshën 65-vjeçare, që janë prekur me Covid-19, ndërsa nga 100 euro për ata mbi 65 vjeç.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]