Konfirmohet largimi i Nachos nga Real Madridi – zbulohet klubi i tij i ardhshëm

Real Madridi do të jetë në kërkim të një lojtari të ri, pasi kapiteni Nacho Fernandez tashmë është konfirmuar nga burime të ndryshme se do të largohet pas skadimit të kontratës më 30 qershor.

34-vjeçari kishte vlerësuar opsionet për të ardhmen e tij gjatë javëve të fundit dhe tani duket se ka marrë vendimin përfundimtar për t’u larguar.

Siç është raportuar nga Marca, Nacho është pajtuar për t’u transferuar në Superligën e Arabisë tek Al-Qadsiah, të cilët janë promovuar në elitën e futbollit arab në fund të sezonit të kaluar.

Kapiteni i “Los Blancos” do të nënshkruajë kontratë dy vjeçare dhe do ta bëjë zyrtare këtë lëvizje pas përfundimit të Euro 2024.

Real Madridi ishin të etur për të mbajtur shërbimet e Nachos për të paktën 12 muaj të tjerë, por largimi i tij së bashku me atë të Rafa Marin, do të thotë se madrilenët do të nënshkruajnë me një mbrojtës këtë verë.

Në këtë fazë, pritet që lojtari i cili do të bëhet pjesë e tyre është talenti francez Leny Yoro, i cili momentalisht është pjesë e Lille.

Nacho kështu do të largohet nga kryeyqyteti spanjoll pas 23 vitesh dhe këtë po e bën pasi në cilësinë e kapitenit e ngriti në qiell më herët gjatë këtij muaji trofeun e 15-të të Ligës së Kampionëve.