Kombëtarja e vashave të Kosovës ka marrë një fitore të rëndësishme në udhëtim te Estonia me rezultat 1:2.
‘Dardanet’ në ndeshjen kualifikuese të grupit A për Kampionatin Evropian, kanë arritur të mposhtin me përmbysje Estoninë.
Loo Katrin në minutën e 22’ shënoi nga penalltia për epërsinë 1:0 të vendasve.
Kosova arriti përmbysjen falë paraqitjes fantastike të Modesta Ukas.
Ajo ia doli të shënoi dy herë. Fillimisht në pjesën e parë për 1:1, dhe në fillim të pjesës së dytë, për 1:2.
Me këtë fitore, Kosova numëron 6 pikë në grupin A, dhe ndeshjen e ardhshme e zhvillon kundër Sllovenisë.