Kosova pëson humbje nga Armenia, por kalon në “Main Round” pas dy fitoreve të mëhershme
Kombëtarja e Kosovës në futsall ka pësuar humbje në ndeshjen e tretë dhe të fundit në rrethin e parë kualifikues për Kampionatin Botëror 2024.
Të përzgjedhurit e Arben Simitçiut pësuan humbje nga Armenia me rezultatin 1:2. Ndeshja u zhvillua në Varna të Bullgarisë.
Melos Kelmendi (autogol) dhe Vitinho shënuan në fitoren e armenëve, kurse për “Dardanët” shënoi gjithashtu Kelmendi, përcjell express.
Pavarësisht humbjes, Kosova e ka siguruar kalimin për në “Main Round” apo fazën kryesore kualifikuese.
Kosova tutje kalon si e dyta në Grupin C me 6 pikë, tri më pak se Armenia.
Para humbjes së sotme, Kosova kishte shënuar fitore ndaj Bullgarisë (2:0) dhe ndaj Skocisë (4:1).
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]