Kryebashkiaku i zgjedhur u rrëmbye, në qytetin ukrainas vendoset një grua e kontrolluar nga rusët
Administrata rajonale e Zaporozhye-së ka njoftuar sot se një kryebashkiake e re është vendosur në qytetin ukrainas Melitopol, i cili është nën kontrollin ushtarak rus, pasi kryetari i zgjedhur u rrëmbye.
Ivan Fedorov, kryebashkiaku i zgjedhur i Melitopolit, u rrëmbye nga njerëz të armatosur të premten ndërsa akuzohet për vepra terrorizmi nga zyra e prokurorit për rajonin separatist të Luhanskut të mbështetur nga Rusia.
Kryebashkiakia e sapovendosur është Galina Danilchenko, ish-anëtare e këshillit të qytetit, sipas një deklarate në faqen e internetit të administratës rajonale të Zaporozhye-s. Danilchenko, e cila nuk u zgjodh nga populli, u prezantua si ushtruese e detyrës së kryetarit të bashkisë në TV lokal, thuhet në deklaratë, përcjell abcnews.
Në deklaratën e saj televizive, e cila u postua nga administrata në Telegram, Danilchenko tha se “detyra e saj kryesore është të marrë të gjitha hapat e nevojshëm për ta kthyer qytetin në normalitet”.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]