Kthehen 39 kosovarët që kishin mbetur nëpër Europë

39 kosovarë janë kthyer sot herët në mëngjes në Kosovë, të ngujuar jashtë; fëmijë, të moshuar, gra e burra.

Ministri Lumir Abdixhiku ka njoftuar se të gjithë do të vendosen në karantinë 14 ditore në Qendrën Studentore në Prishtinë.

“Qytetarët e ngujuar jashtë, që në urgjencë duan të kthehen në Kosovë, duhet të vazhdojnë të kontaktojnë ambsadat tona. Secili i kthyer do të vendoset në Konvikte për 14 ditë”, ka shkruar Abdixhiku në Facebook.

Sot herët në mëngjes kthyem në atdhe 39 qytetarë të Kosovës, të ngujuar jashtë; fëmijë, të moshuar, gra e burra. Dje kthyem ekipin Kombëtar të Boksit. Të gjithë do të vendosen në karantinë 14 ditore në Qendrën Studentore në Prishtinë.

Kthimi i qytetarëve të evidentuar nga ambasadat tona jashtë, në mënyrë të kujdesshme, të organizuar e pa rrezik për qytetarët këtu – do të vazhdojë. Këtë punë do ta bëjmë dhe zhvillimet tjera s’janë brenga e jona tani.

E falenderoj Ministrin Quni dhe Ushtrinë e Kosovës që menjëherë dhe me profesionalizëm po na ndihmojnë.

Qytetarët e ngujuar jashtë, që në urgjencë duan të kthehen në Kosovë, duhet të vazhdojnë të kontaktojnë ambsadat tona. Secili i kthyer do të vendoset në Konvikte për 14 ditë.