Kurti: Në këtë ditë hidhërimi, zemrat tona janë lehtësuar nga suksesi i kampiones sonë
Kryeministri i Kosovës, Albin Kurti, ka uruar kampionen Olimpike të xhudos, Nora Gjakova.
Përmes një postimi në Twitter, Kurti tha se tha se kjo është medalja e dytë e Artë për Kosovën në Lojërat Olimpike të Tokios dhe se zemrat janë lehtësuar nga suksesi i Nora Gjakovës teksa populli kosovarë po vajton për humbjen e jetëve nga aksidenti tragjik në Kroaci.
“E dyta e artë për Kosovën në Lojërat Olimpikë të Tokios”.
“Në këtë ditë hidhërimi teksa vajtojmë për humbjen e jetëve nga aksidenti tragjik në Kroaci, zemrat tona janë lehtësuar nga suksesi i kampiones sonë, Nora Gjakova, në #Tokyo2020 e cila fitoi të artën në kategorinë e femrave – 57 kilogramë”, shkroi Kurti.
Kujtojmë se Nora Gjakova është shpallur kampione Olimpike në xhudo, pasi në finale e mposhti francezen Sarah Leoine Cysique, duke ia siguruar Kosovës medaljen e dytë të Artë në “Tokyo 2020” dhe të tretën në histori.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]