Lagjja në mes të Prishtinës lihet pesë orë pa rrymë, KEDS ‘fajëson’ motin e ligë
Lagjja e Muhaxherëve, duke përfshirë edhe pjesën rreth Parkut të Qytetit në Prishtinë, kanë mbetur në terr që nga ora 15:00. Kjo si pasojë e një prishje që ka ndodhur në njërën nga trafo stacionet afër Shkollës “Elena Gjika” në kryeqytet.
Këtë lajm e ka konfirmuar për KosovaPress, zëdhënësi i KEDS-it, Viktor Buzhala, i cili ka bërë të ditur se ekipet janë në vendin e ngjarjes për sanimin e defektit.
Mirëpo, edhe pse kanë kaluar rreth 5 orë këto pjesë të qytetit ende janë pa energji elektrike. Kujtojmë se kohët e fundit në kryeqytet, por edhe qytete të tjera janë shpeshtuar reduktimet e energjisë elektrike.
Madje, pjesa turistike në Bogë dhe Rugovë ka 3 javë që është pa energji elektrike, si pasojë e defekteve në rrjet.
KEDS këto prishje po i arsyeton me mot të ligë, duke thënë se po shkaktohen si pasojë e reshjeve atmosferike.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]