Lajçak bisedon me Petkoviqin për zbatim të marrëveshjeve, paralajmëron takim me palën kosovare
Emisari i BE-së për dialogun Kosovë – Serbi, Miroslav Lajçak ka njoftuar se ka biseduar të hënën me kryenegociatorin e Serbisë, Petar Petkoviq. Lajçak ka thënë se me Petkoviqin ka diskutuar për draftstatutin e propozuar nga BE-ja për Asociacionin e komunave me shumicë serbe, po ashtu edhe për hapat e radhës për ta zbatuar Marrëveshjen e normalizimit dhe po ashtu detyrimet nga dialogu.
Ai ka paralajmëruar takim këtë javë edhe me palën kosovare.
“Me kryenegociatorin serb Petar Petkoviq, kam biseduar për drafstatutin propozuar nga BE-ja për Asociacionin e komunave me shumicë serbe, hapat e radhës për zbatimin e Marrëveshjes për Rrugën drejt Normalizimit dhe obligimet e mbetura. Do të vazhdojmë të diskutojmë me Kosovën më vonë këtë javë”, ka shkruar Lajçak në platformën “X”.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]