Lajçak tregon ne Beograd se po negociohet për një marrëveshje që Blinken ia kërkoi Kurtit

Gabriel Escobar, emisari i SHBA-së për Ballkanin Perëndimor dhe emisari i BE-së për çështjen e dialogut Kosovë-Serbi, Miroslav Lajçak, momentalisht po qëndrojnë në Serbi, pas vizitës që bënë në Kosovë. Ky i fundit, njoftoi në twitter se në Beograd po negociohet për një marrëveshje që Blinken ia kërkoi Kurtit.

Ishte Sekretari Amerikan i Shtetit, Antony Blinken, i pari që përmes një letre drejtuar kryeministrit të Kosovës, Albin Kurtit, kërkoi që të rregullohet çështja e rrymës në veri të vendit.

E në intervistë për Express, Lajçak njoftoi se çështja e rrymës është ngritur edhe me grupin punues kosovar për dialogun, të cilit i prin zëvendëskryeministri, Besnik Bislimi.

Përmes një shkrimi në tëitter, Lajçak njoftoi nga Beogradi se edhe atje po diskutohet kjo çështje.

“E mirëprita mundësinë e sotme për të biseduar me kryenegociatorin e Serbisë, Petar Petkoviq, për çështjet të cilat po diskutohen në dialog, përfshirë energjinë, personat e zhdukur dhe çështjen e targave”, ka shkruar Lajçak në twitter.

I welcomed today’s opportunity to have a more detailed exchange with Serbian Chief Negotiator @PetkovicPetar on issues currently under discussion in the Dialogue, including energy, missing persons and license plates. pic.twitter.com/Hwm5SKradW

— Miroslav Lajčák (@MiroslavLajcak) February 3, 2022

“Ju inkurajoj që t’i kushtoni vëmendje arritjes së marrëveshjes për energji elektrike në veriun e Kosovës dhe për avancimin e qëllimeve të përbashkëta në lidhje me personat e pagjetur…”, i kishte thënë Blinken Kurtit.