Claudio Bravo është pranë rikuperimit nga lëndimi pas rikthimit në stërvitje për herë të parë me Manchester Cityn që prej muajit gusht të vitit të kaluar.
Ish-portieri i Barcelonës, i cili shkëlqeu në garat e Kupës sezonin e kaluar, lëndoi rëndë thembrën e tij në stërvitje pas vetëm dy ndeshjeve në Premierligë.
Si pasojë e lëndimit të tij, Manchester City u detyrua ta rikthejë portierin e Kosovës, Arijanet Muriç nga huazimi në NAC Breda, teksa 20-vjeçari tashmë e ka kryer me sukses detyrën e portierit të dytë në “Etihad Stadium”.
Reprezentuesi kosovar ka qenë në bankën rezervë për ndeshjet e Premierligës, teksa në Carabao Cup ka qenë zgjedhja e parë e Pep Guardiolës përveç se në finale.
“Bravo ka marrë pjesë në pjesën e parë të stërvitjes në fushë, ka qenë një lëndim i rëndë për të. Pas operimit, ai kishte një infeksion, që i mori shumë kohë”, u shpreh Guardiola.
Mbetet të shihet nga sezoni i ardhshëm nëse Bravo apo Muriç do të mbeten në rolin e portierit të dytë te Manchester City, por ka shumë gjasa që Muriç të largohet në huazim