Liverpool – Atletico: Analizë, statistikë, parashikim dhe formacionet e mundshme

Sonte (e mërkurë) do të zhvillohet super përballja ndërmjet Liverpoolit dhe Atletico Madridit, në kuadër të xhiros së katër në fazën grupore.

Liverpool me një fitore do siguronte kualifikimin në raundin tjetër, derisa Ateltico gjithashtu kërkon pikët e plota, ngase nuk e ka të sigurt që do kualifikohet, përcjellë lajmi.net.

Mungesat e dy skuadrave:

Te Liverpool vërëhen mungesat si Naby Keita, Harvey Elliott dhe James Millner, derisa në dyshime janë dyshja Thiago Alcantara dhe Fabinho.

Ndërsa, edhe Atleticos i mungojnë disa nga top yjet, si Thomas Lemar dhe Marcos Llorente që janë të lënduar, kurse Antoine Griezmann nuk do jetë i pranishëm shkaku i kartonit të kuq që mori ndeshjen e fundit.

Statistikë

Liverpool ka shënuar se paku tre gola në tre ndeshjet e fundit në Ligën e Kampionëve dhe kanë fituar të gjitha ndeshjet në këtë garë këtë sezon.

Formacionet e mundshme:

Liverpool (4-3-3): Alisson; Robertson, Van Dijk, Matip, Alexander-Arnold; Jones, Fabinho, Henderson; Mane, Jota, Salah.

Atletico (3-4-2-1): Oblak; Savic, Gimenez, Hermoso; Trippier, Koke, Kondogbia, Carrasco; Correa, Felix; Suarez.

Analizë

Jurgen Klopp ishte i zemëruar për barazimin ndaj Brighton ku ishin në avantazh 2 – 0, por barazuan në fund 2 – 2, derisa mbesin të pamposhtur këtë sezon.

Skuadra e Diego Simeone nuk ka mundur të gjejë balancin mes sulmit dhe mbrojtjes, në përpjekje për të bërë Atleticon skuadër më ofensive. Këtë bilanc e arritën në vikend në fitoren impresionuese 3-0 ndaj Real Betis. Sidoqoftë, kanë fituar vetëm një nga katër ndeshjet e fundit duke pësuar dy gola në tre ndeshje.

Liverpool në shtëpi këtë sezon ka shënuar tre fitore dhe barazuar tre herë.

Parashikim:

Liverpool 2 – 1 Atletico

Përballja e ‘zjarrtë’ që assesi s’duhet humbur zhvillohet në “Anfield” dhe nis në ora 21:00