Lladrovci shërohet nga koronavirusi, falënderon Vjosa Osmanin

Kryetari i Drenasit, Ramiz Lladrovci ka njoftuar se është shëruar plotësisht nga koronavirusi.

Lladrovci tha se nuk ishte e lehtë mundja e këtij virusi, derisa ka falënderuar mjekët për kujdesin ndaj tij.

Lladrovci po ashtu ka falënderuar ata që i kanë shkruar duke i uruar shërim të shpejtë. Ndër ta ai ka përmendur edhe kryetaren e Kuvendit, Vjosa Osmanin.

“Falënderoj Vjosa Osmanin, Mimi Kodhelin, Jim Mehmetin, Qemajl Minxhozin, Selim Krasniqin, për mesazhet e vazhdueshme dhe përgëzimet për shërimin tim”, ka shkruar ndër të tjera Lladrovci.

Postimi i tij i plotë:

Përfundimisht u konfirmua se tashmë, COVID-19, e kam mposht plotësisht, jo aq lehtë sa e mendoja por megjithatë ia arrita.

Falënderoj mjekët, infermierët dhe stafin e Klinikës Infektive dhe QKMF-së në Drenas, për kujdesin e madh ndaj meje dhe përkushtimin për luftimin e virusit.

Falënderoj Vjosa Osmanin, Mimi Kodhelin, Jim Mehmetin, Qemajl Minxhozin, Selim Krasniqin, për mesazhet e vazhdueshme dhe përgëzimet për shërimin tim.

Uroj shërim të plotë për të gjithë të infektuarit, me dëshirat më të mira të mos ketë të infektuar të tjerë.

Respektoni rekomandimet e IKSHPK-së, barte maskën, ruaje distancën, mbaje higjienën!.