Lojtari madrilen të hënën prezantohet tek Milani

Vazhdon operacioni i shitjeve tek Real Madridi, me një ritëm mjaft të lartë.

Deri më tani janë shitur Marcos Llorente tek Atletico Madrid, Mateo Kovacic tek Chelsea dhe është huazuar Martin Odegaard tek Real Sociedad – lojtari i rradhës që do largohet është Theo Hernandez.

Pas një viti i huazuar tek Real Sociedad, mbrojtësi i majtë francez do të transferohet tek Milani, pa opsionin e riblerjes.

Theo ka folur me drejtorin e ri sportiv të Milanit, legjendën Paolo Maldini i cili e ka bindur mbrojtësin të transferohet tek klubi kuq e zi. Atje do firmosë një kontratë 6 vjeçare dhe do të kalojë testet mjekësore të hënën. Akordi mes Milanit dhe Real Madridit është total dhe sapo lojtari të kalojë testet mjekësore, do zyrtarizohet gjithçka.

Marrëveshja do të mbyllet për një shifër rreth 20 milionë euro. Me shitjen e Theos, Real Madridi tashmë e kalon shifrën e 100 milionë eurove nga shitjave.

Drejtuesit madrilenë tashmë presin të shesin lojtarë akoma më të rëndësishëm si James Rodriguez dhe Gareth Bale.