Atmosfera e derbit i ka përfshirë të gjithë tifozët e Tiranës dhe Partizanit, por sfida ngjall interes edhe për sportdashësit e thjeshtë, për takimin më të madh të Shqipërisë.
Por, këtyre “etheve” nuk u kanë shpëtuar as Mario Morina dhe Mentor Mazrekaj, tashmë të dy që luajnë në Kosovë.
Vetëm para disa viteve, vendosnin derbin me golat e tyre, ndërkohë që sot pozojnë të dy të qeshur, duke dhënë edhe njëherë mesazhin se është thjesht një ndeshje futbolli, e duhet përjetuar si e tillë, larg rrëmujës, larg tensionit të panevojshëm!