Mbi 300 nxënës të infektuar në Pejë: Shkolla “Asdreni” kalon në mësim online
COVID-19 në Kosovë ka disa ditë që ka shpërthyer me të madhe, duke u infektuar qindra mijëra qytetarë.
Në qytetin e Pejës 320 nxënës dhe 68 mësimdhënës janë të infektuar me SARS-CoV-2.
Ky numër shqetësues ka bërë që shkolla fillore “Asdreni” në këtë komunë, nga e hëna të kalojë në planin C të mësimit, e që është mësim online.
Ndërkaq, shkolla fillore “Dardania” ka kaluar në planin B, dhe mësimi do të realizohet në grupe.
Sipas drejtorit të Arsimit në Pejë, Naser Gega, rritja e rasteve është duke i prekur shumë shkollat.
“Në “Asdreni” ka shumë mësimdhënës të infektuar, e në “Dardania” ka më tepër nxënës të prekur. Kështu që jemi dakorduar të shkojë kështu”, ka deklaruar Gega për Indeksonline.
Vetëm në 24 orët e fundit, 2 mijë e 943 qytetarë kanë rezultuar pozitiv, teksa numri i rasteve aktive është 12 mijë e 396.
Në anën tjetër, Qeveria është duke plainifkuar të shtrengojë masat anti-COVID, me qëllim qe të frenohet bartja e virusit.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]