Merr fund tmerri, dritë në fund të tunelit për Abrashin
“Pitbulli” shqiptar, Amir Abrashi, ka vuajtur nga një dëmtim i gjatë. Ai nuk është pjesë e ekipit dhe nuk ka luajtur që nga dëmtimi i ligamentit në sezonin e shkuar dhe operimit që iu nënshtrua.
Shqiptari po stërvitet fort dhe për gjysmën e dytë të sezoni do të jetë gati për skuadrën e tij të Freiburgut.
Lajmi konfirmohet dhe nga trajneri Christian Streich. Ky i fundit e vlerëson shumë shtatshkurtrin dhe e konsideron si element të rëndësishëm të grupit të tij. “Amir po stërvitet shumë mirë dhe shumë fort. Të gjithë që e njohin Amirin e dinë se ai është një luftëtar i pabesueshëm në fushë dhe stërvitet gjithmonë mirë.
“Ai do të nisë stërvitjen me skuadrën në fund të janarit dhe do të jetë i gatshëm në mars”, u shpreh tekniku.
Mesfushori ka treguar shumë karakter dhe vendosmëri, pasi ky ishte dëmtimi i tij i dytë radhazi i rëndë. Skuadra gjermane i ka qëndruar shumë pranë 28-vjeçarit, raportojnë mediet shqiptare.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]