Milot Rashica vazhdon të jetë njëri prej futbollistëve më të mirë këtë edicion në Bundesligën gjermane.
Ylli i Werder Bremen shkëlqeu edhe në fundjavën e kaluar duke shënuar gol dhe duke asistuar në fitoren 3:1 kundër Mainz.
Me këtë paraqitje, futbollisti nga Kosova është përfshirë sërish në formacionin e më të mirëve të javës në kampionatin elitar gjerman.
Së bashku me Da Costa, Guerreiro, Forsberg, Rashica gjendet në formacionin e yjeve të xhiros së kaluar në Bundesliga.
Ndryshe, këtë sezon në Bundesliga, Rashica ka shënuar tetë gola dhe ka dhuruar dy asistime në 19 ndeshje.