Ministri Sveçla reagon pas vdekjes së policit

Ministri i Punëve të Brendshme të Kosovës, Xhelal Sveçla ka reaguar pasi një zyrtar i Policisë së Kosovës, ka vdekur si pasojë e plagëve pasi është vetëplagosur në poligonin e gjuajtjes së Policisë së Kosovës në Cërrnushë të Mitrovicës.

Përmes një postimi në llogarinë etij zyrtare në Facebook, Sveçla ka theksuar se ky rast ka ndodhur gjatë trajnimit të rregullt të policisë që është duke u mbajtur atje.

“Nga Policia e Kosovës jam njoftuar se sot, në poligonin e gjuajtjes së Policisë në fshatin Cerrnushë të Mitrovicës, një zyrtar policor ka plagosur veten me armë zjarri aksidentalisht dhe më pas ka ndërruar jetë në Spitalin Rajonal të Mitrovicës. Ngjarja ka ndodhur përgjatë trajnimit të rregullt të Policisë që është duke u mbajtur atje.”, ka shkruar ai.

Tutje, ministri u ka shprehur ngushëllime familjes së të ndjerit, kolegëve të tij dhe gjithë zyrtarëve të Policisë së Kosovës.

Postimi i plotë:

Nga Policia e Kosovës jam njoftuar se sot, në poligonin e gjuajtjes së Policisë në fshatin Cerrnushë të Mitrovicës, një zyrtar policor ka plagosur veten me armë zjarri aksidentalisht dhe më pas ka ndërruar jetë në Spitalin Rajonal të Mitrovicës. Ngjarja ka ndodhur përgjatë trajnimit të rregullt të Policisë që është duke u mbajtur atje.

Njësitet relevante të Policisë dhe Inspektoratit Policor kanë dalur në vendin e ngjarjes si dhe kanë filluar hetimet të cilat do të vazhdojnë në koordinim edhe me prokurorinë.

Shpreh ngushëllimet e mia më të sinqerta familjes së të ndjerit, kolegëve të tij dhe gjithë zyrtarëve të Policisë së Kosovës. Ngjarjet e tilla tragjike prekin thellë secilin prej nesh por edhe janë thirrje për rritje të kujdesit ndaj vetvetes dhe të tjerëve rreth nesh.