Mot i ndryshueshëm gjatë javës së ardhshme në Kosovë
Mot i ndryshueshëm, me vranësira dhe intervale me diell pritet të mbajë gjatë k♪7saj jave në Kosovë.
Java pritet të fillojë me mot të qëndrueshëm e me diell, për të ndryshuar gjatë dy ditëve të tjera, kur pritet të ketë riga lokale shiu. Gjatë së enjtes do të ketë sërish ndryshim, ka njoftuar “Prishtina Weather”.
Sipas njoftimit, temperaturat minimale do të arrijnë deri në -2 gradë Celsius, kurse ato maksimale prej 8 deri në 14 gradë Celsius.
“Nuk do të mungojnë edhe intervale me diell, që do të jenë më të gjata të hënën dhe të enjten. Ditën e martë dhe mërkurë priten edhe riga lokale shiu, apo reshje të dobëta bore viseve më malore. Ditëve të para orëve të mëngjesit do të ketë edhe ngrica, e në ultësira kushte për mjegull”, thuhet në njoftim.
Ndërsa, të premten do të mbajë mot i butë, me vranësira dhe intervale me diell.
Siç bëhet e ditur, do të fryjnë erëra të lehta dhe mesatare nga veriu, fillimisht, 3-8m/s, e në pjesën e dytë të javës nga krahu jugor me hove deri në 10m/s.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]