Mysafir special për ndeshjen Kosovë-Britani e Madhe
Kombëtarja e Kosovës në basketboll, është afër fillimit të aventurës së saj në para-kualifikimet për Eurobasket 2021.
Më 7 dhe 8 gusht në Kosovë do të qëndrojë Presidenti i FIBA Evropës, Turgay Demirel.
Presidenti i FIBA Evropës vjen për shkak të organizimit të Kampionatit Evropian, Divizioni B, për femra U20.
Kjo është hera e parë që një Evropian i Divizionit B, organizohet në Prishtinë, derisa vizita e Demirel-it dëshmon për përkrahjen e tij për basketbollin e Kosovës, si dhe dëshmon përkrahjen për Federatën e Basketbollit të Kosovës (FBK), për punën që po bënë me gjenerata të reja.
Demirel do të shohë nga afër organizimin e Evropianit, kurse gjithashtu do të jetë në ndeshjen ndërmjet Kosovës dhe Britanisë së Madhe, që zhvillohet më 7 gusht (e mërkurë, ora 20:30) në palestrën “Minatori” në Mitrovicë.
Takimi zhvillohet në kuadër të para-kualifikimeve për Eurobasket 2021.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]