Nadal tërhiqet nga garat, shkaku i lëndimit abdominal
Rafael Nadal është tërhequr nga ‘Rolex Paris Masters’ para ndeshjes gjysmëfinale, si pasojë e një lëndimi abdominal që e pësoi gjatë nxehjes. Tenisti i dytë në botë vendosi t’i dëgjonte këshillat e mjekëve dhe të tërhiqej nga përballja që duhej ta zhvillonte ndaj Denis Shapovalov.
“Shpresoj të jem i gatshëm për në Londër. Tash për tash, ai është objektivi më i madh”, ka deklaruar spanjolli në një konferencë për shtyp.
Nadal kishte ndier dhimbje në pjesën e barkut në momentin kur po bënte shërbimin e fundit gjatë nxehjes dhe menjëherë ka shkuar te mjeku i turneut, i cili e ka ekzaminuar.
Testet mjekësore kanë treguar se 33-vjeçari kishte një tërheqje muskulore dhe për këtë arsye është detyruar që të mos luajë. Në këtë mënyrë, tenisti kanadez, Denis Shapovalov, ka siguruar finalen e ‘Paris Masters’.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]