Ndeshjet e futbollit në Kosovë nën monitorimin e UEFA-s
Delegacioni i FFK-së, në përbërje Arianit Ahmeti, zv.sekretar i përgjithshëm dhe drejtor i zyrës ligjore, Ejup Osmani, zyrtar për integritet, Besim Kelmendi, prokuror i shtetit dhe Bajram Shabani, kapiten i policisë, kanë marrë pjesë në Nion në takimin me zyrtarët e UEFA-s, Nicholaus Raudenski, Peaker Graham dhe Massimiliano Michenzi, shkruan GazetaAlo.
Gjatë këtij takimi u bisedua rreth rrjedhës së kampionatit, por edhe ndeshjeve të Kombëtares. Me këtë rast zyrtarët e UEFA-s kanë dhënë edhe disa këshilla për delegacionin e FFK-së lidhur me paralajmërimet rreth trukimit të ndeshjeve dhe dukurive tjera negative në futboll.
Po ashtu, u bë e ditur se UEFA i ka angazhuar pesë kompani, të cilat bëjnë monitorimin e ndeshjeve dhe çdo parregullsi evidentohet të organet e saj. Sa i përket Kosovës këto kompani monitorojnë të gjitha ndeshjet e IPKO Superligës, Ligës së Parë, ndeshjet e Digitalb Kupës së Kosovës si dhe ndeshjet e ekipit kombëtar. /GazetaAlo.com
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]