Në këtë qytet të Kosovës nga 1 shkurti nuk do të punohet të dielave

Kryetar i Komunës së Vushtrrisë, Xhafer Tahiri ka bërë të ditur se nga 1 shkurti i vitit 2020, asnjë biznes nuk do të punojë ditëve të diela.

Xhafer Tahiri me anë të një postimi në Facebook ka njoftuar se që nga sot është inicuar rregullorja e re komunale për orarin e punës së bizneseve që veprojnë në Vushtrri.

Ai ka kërkuar që dita e diel të jetë ditë pushimi për të gjitha bizneset që veprojnë në Vushtrri përveç atyre që me Rregullore do të ju lejohet të punojnë të dielave.

“Kjo rregullore e re po bëhet duke respektuar kërkesat e shumta të qytetarëve gjatë ndëgjimeve publike por edhe kërkesat që vazhdimisht kemi marrë nga punonjësit. Rregullorja do të jetë në diskutim publik gjatë muajit janar 2020, ku të gjitha palët e interesit mund të japin mendimet e tyre”, ka shkruar Tahiri.

Më poshtë keni njoftimin e tij të plotë:

Të dashur qytetarë,
Sot kam inicuar Rregulloren e re Komunale për orarin e punës së bizneseve që veprojnë në Komunën e Vushtrrisë.
Kam kërkuar që dita e diel të jetë ditë pushimi për të gjitha bizneset që veprojnë në Vushtrri përveç atyre që me Rregullore do të ju lejohet të punojnë të dielave.
Kjo rregullore e re po bëhet duke respektuar kërkesat e shumta të qytetarëve gjatë ndëgjimeve publike por edhe kërkesat që vazhdimisht kemi marrë nga punonjësit.
Rregullorja do të jetë në diskutim publik gjatë muajit Janar 2020, ku të gjitha palët e interesit mund të japin mendimet e tyre.
Rregullorja, pasi të aprovohet nga Kuvendi i Komunës do të hyjë në fuqi nga data 1 Shkurt 2020!.