Në Leshan të Suharekës gjenden mbetje mortore
Një banor ka gjetur të hënën mbetje mortore në fshatin Leshan të Suharekës, derisa po bënte pastrimin e varrezave të fshatit me rastin e festës së Fitër Bajramit, ka njoftuar zëdhënësi i Policisë për rajonin e Prizrenit, Vesel Gashi.
Ai i ka thënë se përveç njësive policore, edhe ajo e hetimeve për Krimet e Luftës ka dalë në vendin e ngjarjes. Sipas tij, nuk dihet se cilës periudhë janë apo edhe nëse kanë të bëjnë me luftën e fundit në Kosovë.
“Aty janë gjetur eshtra dhe ato janë dërguar në Institutin e Mjekësisë Ligjore për ekzaminim. Rezultatet nuk dihen ende”, tha ai.
Në konsultim me prokurorin, rasti është iniciuar si “gjetje e pjesëve eshtërore”.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]