Një 18-vjeçar në Ferizaj vdes në vendin e punës
Një ngjarje e rëndë ka ndodhur sot në fshatin Nikadim të Ferizajt, ku një i ri në moshën 18-vjeçare ka gjetur vdekjen gjatë kohës që ishte në orar të punës.
Zëdhënësi i Policisë së Kosovës për Rajonin e Ferizajt, Kanun Veseli, ka thënë se trupi i pa jetë i të riut është gjetur rreth orës 15:30 dhe është njoftuar menjëherë Qendra Emergjente.
“Sot, rreth orës15:30 nga Qendra Emergjente në Ferizaj jemi njoftuar se një person, mashkull i moshës rreth 18 vjeçar është sjellë pa shenja jete”, ka deklaruar Veseli.
Policia ka arritur shpejt në vendngjarje për të hetuar rrethanat dhe ka mësuar se vdekja e të riut, i cili punonte në një fabrikë vendase, dyshohet të ketë qenë nga shkaqe natyrore.
Mjekët kujdestarë e kanë përcaktuar si të tillë pasi kanë konstatuar vdekjen, edhe pse detajet e ngjarjes nuk janë të plota në këtë fazë.
Po ashtu, rasti është duke u hetuar më tej nga prokurori kujdestar nga Prokuroria Themelore në Ferizaj.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]