Një aeroplan luftarak F-22 rrëzohet në Florida
Një aeroplan luftarak F-22 është rrëzuar gjatë një “fluturimi rutinë” në Florida të SHBA-së, të premten, është bërë e ditur nga Forcat Ajrore të SHBA-së, përcjell CNN.
Piloti që nuk u identifikua, ka arritur me kohë të dalë nga aeroplani e të hedhet me parashutë dhe menjëherë është transportuar në një spital lokal për kontroll, bëhet e ditur në njoftim.
”Aktualisht është në gjendje stabile”, thuhet në njoftim.
Aksidenti ka ndodhur 20 kilometra në veri-lindje të bazës së Forcave Ajrore të SHBA-së dhe nuk ka shkaktuar asnjë dëm njerëzor apo material.
F-22 konsiderohet si aeroplani luftarak më i avancuar në botë.
Bazuar në të dhënat zyrtare, flota e “US Air Force” numëron 183 aeroplanë të tillë dhe secili kushton mesatarisht 143 milionë dollarë. Prodhimi i tyre është ndaluar më 2011, pasi Pentagoni u përqendrua në prodhimin e aeroplanëve tjerë luftarakë – F-35.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]