Një ‘dorë e fshehur’ po ndal dritat në sheshin e ri në Podujevë
Kandidati për kryetar të Podujevës nga radhët e LDK-së, Nexhmi Rudari, ka thënë se persona të papërgjegjshëm të ndikuar nga grupe të interesit e me qëllime të ulëta kanë dëmtuar siguresat e ndriçimit publik në bulevardin e qytetit.
Përmes një postimi, Rudari ka thënë se kompania e kontraktuar ka intervenuar duke vendosur siguresa të tjera.
“Po ashtu, persona të papërgjegjshëm sonte kanë fikur dritat e ndriçimit publik edhe në rrugën ’Qëndresa’”, ka thënë ai.
Ai tutje ka shtuar se këto janë veprime të ulëta politike, derisa ka ftuar qytetarët të mos bëhen pjesë e tyre.
“Ftojmë qytetarët që të mos bien pre e agjendave të ulëta politike dhe të dëmtojnë pronën publike. Zgjedhje vijnë dhe shkojnë, Podujeva mbetet”, ka shkruar ai.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]