Një i vdekur dhe 178 raste pozitive me COVID-19 sot në Kosovë

Një person ka vdekur nga COVID-19 në Kosovë në 24 orët e fundit, ndërsa janë regjistruar 178 raste pozitive, ka njoftuar Instituti Kombëtar i Shëndetit Publik.

Numri i rasteve pozitive është më i ulët se që kishte njoftuar ministri në detyrë i Shëndetësisë, Armend Zemaj në një postim të mëhershëm.

Në fakt Zemaj kishte njoftuar për 267 raste pozitive, e që sipas IKSHPK-së kjo është shifra e të shëruarve.

Numri total i të vdekurve në Kosovë që nga fillimi i pandemisë ka arritur në 1545. Në 24 orët e fundit ka vdekur një 65-vjeçar nga Prishtina si pasojë e COVID-19.

Rastet e reja pozitive janë nga komunat: Prishtinë 57 raste, Mitrovicë 15 raste, Pejë 15 raste, Gjakovë 12 raste, Podujevë 12 raste, Ferizaj 8 raste, Fushë-Kosovë 8 raste, Gjilan 5 raste, Lipjan 5 raste, Obiliq 5 raste, Prizren 5 raste, Rahovec 5 raste, Deçan 4 raste, Skenderaj 4 raste, Vushtrri 4 raste, Malishevë 3 raste, Drenas 2 raste, Suharekë 2 raste dhe nga një rast komunat Dragash, Istog, Junik, Kaçanik, Klinë, Shtërpcë dhe Viti.

Numri total i rasteve pozitive ka arritur në 64.519.

Në 24 orët e fundit janë shëruar 267 pacientë, duke çuar shifrën totale të shëruarve në 56.028. Janë 6946 raste aktive.