Një i vdekur e disa të lënduar nga një aksident në Çubrel të Skenderajt
Një person ka vdekur e disa kanë mbetur të lënduar si pasojë e një aksidenti që ka ndodhur mbrëmjen e sotme në fshatin Çubrel të Skenderajt.
Lajmin e ka kumtuar kryetari i kësaj komune, Fadil Nura, derisa bëri të ditur se njëri nga të lënduarit është duke luftuar me jetën.
Ai shprehu ngushëllime familjes së të ndjerit, ndërkaq të lënduarve iu uroi shërim.
“Sapo u njoftuam për një aksident me fatalitet të ndodhur në rrugën magjistrale Mitrovicë – Pejë, përkatësisht në fshatin Çubrel, ku për pasojë ka vdekur një person dhe janë lënduar disa të tjerë, një nga të cilët po lufton për jetën, ndërsa lutemi për të dhe për të aksidentuarit tjerë. Në këto çaste të rënda, i shprehim ngushëllimet më të sinqerta familjes së të ndjerit, ndërkaq të lënduarve iu dëshiroj shërim të shpejtë!”, ka njoftuar ai në Facebook.
Ndërkohë, redaksia ka dërguar pyetje në policinë e rajonin të Mitrovicës për të kuptuar më shumë detaje rreth aksidentit.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]