Një super lajm për yllin e Kosovës
Sulmuesi i Kosovës, Vedat Muriqi e ka zhvilluar një edicion mjaft të mirë në Turqi me Rizesporin.
Muriqi e ka mbyllur edicionin 2018/2019 si golashënuesi i dytë më i mirë në kampionatin turk me 17 gola.
Tashmë, ish-futbollisti i Lirisë së Prizrenit ka arritur në Kosovë, për t’u bërë gati për dy ndeshjet e ardhshme kualifikuese për Kampionatin Evropian.
Por, për punën e tij fenomenale gjatë gjithë edicionit në Superligën turke, Muriqi nuk ka mbetur pa u ‘shpërblyer’.
Futbollisti i Rizesporit është përfshirë në formacionin më të mirë të edicionit 2018/2019 në Superligën e Turqisë në futboll.
Ai është përfshirë në vijën e sulmit përkrah Hugo Rodallegas dhe Diagnes.
Paraqitjet e mira të tij kanë bërë që ai të kërkohet nga shumë klube.
Gjiganti turk, Fenerbahçe është njëri prej tyre, derisa interesim ka shprehur edhe klubi francez Toulouse.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]